“İrəliləyiş mümkün deyil, ümid işığımız yoxdu” – Nadiri çıxış yolu axtarır
“Kəpəz” Misli premyer-liqasında mövsüm bitəndən sonra durğunluq yaşayır.
Gəncə təmsilçisi ciddi maliyyə çatışmazlığı yaşadığından heyətlə bağlı problemlər artıb. İş orasındadı ki, iyunun axırında komandadakı futbolçuların hamısının müqaviləsinin müddəti bitir. Bununla yanaşı, mətbuatda artıq bütün legionerlərin “sarı-göylər”i tərk etdiyi bildirilir.
Qeyd olunanlarla bağlı bilgi əldə etmək üçün “Kəpəz”in İdarə Heyətinin sədri İlqar Nadiriylə əlaqə saxladıq. Onun “Football-plus.az”a söylədikləri:
“Bəli, maddi sıxıntılar davam edir. Lakin hələ ki hansısa futbolçu heyətdən ayrılmayıb. Onların müqavilə müddəti bitənə qədər vaxtımız var. Təəssüf ki, sponsor məsələləriylə bağlı irəliləyiş mümkün deyil. Ümid işığımız yoxdu... Əlbəttə, bir yolunu tapıb işimizə davam etməliyik. Adil Şükürova gəlincə, onunla daha uzun müddət əməkdaşlıq etmək niyyətindəyik. Yolumuz uzundu”.
KƏNAN BAHADIR
Digər xəbərlər
