Cavid İmamverdiyev “İnter”in təklifindən imtina edib
2-ci liqanın 21-ci turunda "Kür-Araz" səfərdə “Şəfa”nı darmadağın edib – 6:0.
Bu qələbənin əsas memarı poker edən Cavid İmamverdiyevdi. Onun darmadağınla bağlı fikirlərini öyrəndik:
“Karyeramda ilk dəfə bir oyunda 4 qol vurdum. Bu günə qədər heç vaxt poker etməmişdim. Bu mövsüm artıq 14 qolum var. Gələn mövsüm hər şey ola bilər. 1-ci liqa komandalarından təklif gəlsə, orda da oynaya bilərəm. Əslində “Kür-Araz”da qalmaq niyyətindəyəm, amma təklif gəlsə, dəyərləndirəcəm”.
İmamverdiyevdən minifutbol çempionatında, yığma oyunçularının toplaşdığı “İnter”də çıxış etmək ehtimalını da soruşduq:
“Zatən mən o komandadaydım. Əfran İsmayılov xətrini çox istədiyim insanlardan biridi. Məni də ora dəvət etmişdi. Mən getdim, məşqə də çıxdım, sadəcə, işimlə bağlı alınmadı. Bilirsiz ki, məşqçilik fəaliyyətiylə məşğulam, bu üzdən Əfran İsmayılovdan xahiş etdim, ordan ayrıldım”.
ELMİN
Digər xəbərlər
