Baş məşqçilərin taleyi növbəti iclasa qalıb
Ölkəmizin aşağı yaş qrupları üzrə yığmalarına baş məşqçi təyinatları hələ də həllini tapmayıb. Belə ki, məsələnin AFFA-da prezident seçkisindən sonra həllini tapacağı bildirilsə də, yenə də hansısa irəliləyiş yoxdu.
Aprelin 2-də prezident seçkisi də keçirildi , İcraiyyə Komitəsinin (İK) yeni tərkibi də müəyyənləşdi. Görəsən, İK-nın hansı iclasında bu məsələ həllini tapacaq? Sualımızın cavabını AFFA-nın Mətbuat və İctimaiyyətlə Əlaqələr departamentinin rəhbəri Elnur Məmmədlidə axtardıq:
“Aşağı yaş qruplarının məşqçilərinin müqavilələri daxili əmrlə 3 aylıq uzadılıb. Yəni iyuna kimi artırılıb. İstisna olunmur ki, AFFA İcraiyyə Komitəsinin növbəti toplantısında bu məsələyə də baxıla bilər”.
KAMAL SƏFƏR
Digər xəbərlər
