Niyə məhz iki ay? – AFFA-nın qərarına sözardı
Srağagün keçirilən “Turan Tovuz” - “Səbail” (3:1) oyunundan sonra jurnalistlərin önünə çıxan AFFA-nın baş katibi Sərxan Hacıyev aşağı yaş qrupları üzrə yığmaların məşqçiləriylə müqavilələrinin müddətinin müvəqqəti olaraq daxili əmrlə İcraiyyə Komitəsinin növbəti iclasına kimi 2 ay müddətinə artırılacağını dedi.
Adətən, belə müqavilələrin müddəti bir il olur deyə, bu qərara aşağı yaş qruplarının çalışdırıcılarının münasibəti maraqlı olardı. Onların “Football-plus.az ”a söylədikləri.
İlham Yadullayev, U-16-nın baş məşqçisi:
“İnşallah, yaxşı olar”.
Füzuli Məmmədov, U-17-nin baş məşqçisi:
“Bilirsiz ki, bütün millilər üzrə qərarları İcraiyyə Komitəsi verir. İK-nin növbəti iclası nə zaman olacaqsa, yəqin o zaman da aşağı yaş millilərin məşqçiləri ilə bağlı qərar veriləcək və məhz iclasdan sonra müqavilələr məşqçilərə təklif olunacaq”.
Aqil Nəbiyev, U-19-un baş məşqçisi:
“Doğrusu, bu barədə məlumatı mən də mətbuatdan öyrənmişəm. Normalda bizdə müqavilənin müddəti avtomatik uzadılır. Yəqin İcraiyyə Komitəsinin iclasından sonra bu məsələyə aydınlıq gətiriləcək”.
Samir Əliyev, U-21-in baş məşqçisi:
“Bu məsələ mənə aid deyil”.
U-18-in baş məşqçisi Elxan Abdullayev zəngimizə cavab vermədi.
KAMAL SƏFƏR
Digər xəbərlər
