PSJ hesabat turunda, demək olar ki, çempionluq qələbəsi qazandı.

"Football-plus.az" xəbər verir ki, “Marsel”in qonağı olan parislilər Beraldonun 40-cı dəqiqədə meydandan qovulmasına görə azlıqda qalsalar da, fasilədən sonra iki qol vurdular. 2-ci yerdə qərarlaşan “Brest”lə xal fərqi 12-yə bərabərdi. Yeri gəlmişkən, “Brest” çətin oyunda “Loryan”a qalib gəldi. 3-cü yerdə isə autsayderlərdən “Mets” üzərində əzici qələbə qazanan “Monako” qərarlaşıb. “Knyazlar” artıq 16-cı dəqiqəyə qədər rəqib qapısından üç top keçirmişdi. “Lill” də vacib qələbə qazandı. Birbaşa rəqibi “Lans”ı məğlub edən “şimallı itlər” bu komandadan 4 xal uzaqlaşdı. Evdə “Nant”la qarşılaşan “Nitsa” gözlənilmədən uduzdu.

Turun qalan oyunlarına gəlincə, “Havr” evdə “Monpelye”yə məğlub oldu, autsayder “Klermon” “Tuluza”dan üç cavabsız top buraxdı. “Lion”la “Reyms” heç-heçəyə razılaşdı. “Renn” isə “Strasbur”la səfər oyununda “ağ bayraq qaldırdı”.

27-ci tur
Marsel – PSJ 0:2
Vitinya, 53. Ramuş, 85. (66046)
PSJ: Donnarumma, L.Ernandes, Beraldo, Pereyra, Hakimi, Zair-Emeri (Şkrinyar, 77), Vitinya, Ruis (Uqarte, 65), K.Mbappe (Ramuş, 64), Kolo Muani (Li Kan İn, 46), Dembele (Asensio, 64).
Loryan – Brest 0:1
Del Kastilyo, 86. (16475)
Brest: Bizot, Loko, Brasye, Şardonne, Lala, Marten, Maqnetti (Dumbiya, 65), Le Duaron (Del Kastilyo, 64), Kamara (Brahimi, 89), Pereyra Laqe (Munye, 73), Satriano (Le Kardinal, 89).
Lill – Lans 2:1
Jeqrova, 9; 60 – Vai, 78. (48233)
Lill: Şevalye, İsmaili, Yoro, Diakite, Santuş, Bentaleb, Andre, Jeqrova (Ünas, 77/Kabella, 86), Haraldsson (Kavaleyro, 90+1), Devid (Calo, 90+2), Qudmundsson (Aleksanrdro, 86).
Mets – Monako 2:5
Dyallo, 78. Sane, 84 – Minamino, 4. Akliuş, 10. Vanderson, 16. Baloqun, 76; 88. (27328)
Monako: Mayetski, Yakobs, Kerer, Sinqo, Vanderson (Kulibali, 88), Fofana (Maqassa, 65), Ben Seqir (Baloqun, 65), Minamino (Diatta, 65), Qolovin (Diop, 79), Akliuş, Ben Yedder.
Lion – Reyms 1:1
Nuama, 65 – Okumu, 55. (46097)
Nitsa – Nant 1:2
Moffi, 72-p. – Ablin, 19. Məhəmməd, 76-p. (21142)
Klermon – Tuluza 0:3
Syerro, 8-p.; 79. Dallinqa, 73. (10499)
Havr – Monpelye 0:2
Ferri, 72. Jülyen, 80. (20556)
Strasbur – Renn 2:0
Senaya, 71. Seba, 73. (25407)
1. PSJ 27 18 8 1 64-23 62
2. Brest 27 14 8 5 37-20 50
3. Monako 27 14 7 6 52-38 49
4. Lill 27 12 10 5 39-24 46
5. Nitsa 27 12 7 8 28-22 43
6. Lans 27 12 6 9 36-29 42
7. Marsel 27 10 9 8 40-30 39
8. Renn 27 10 9 8 40-33 39
9. Reyms 27 11 6 10 35-36 39
10. Lion 27 10 5 12 31-41 35
11. Tuluza 27 8 8 11 32-36 32
12. Strasbur 27 8 8 11 30-39 32
13. Monpelye (-1) 27 7 9 11 33-40 29
14. Nant 27 8 4 15 26-42 28
15. Havr 27 6 9 12 26-35 27
16. Loryan 27 6 8 13 35-50 26
17. Mets 27 6 5 16 25-44 23
18. Klermon 27 4 8 15 19-46 20
Bombardirlər: K.Mbappe (PSJ) – 24, Devid (Lill) - 15, Lakazett (Lion) - 13, Obameyanq (Marsel) – 12.
Növbəti turun oyunları aprelin 5-7-si aralığında keçiriləcək: Lill – Marsel, Lans – Havr, PSJ – Klermon, Brest – Mets, Monpelye – Loryan, Tuluza – Strasbur, Reyms – Nitsa, Monako – Renn, Nant – Lion.

Turun rəqəmi
50 – PSJ bütün turnirlərdə “Marsel” üzərində qazandığı qələbələrin sayını bu həddə çatdırdı (23 heç-heçə, 34 məğlubiyyət). Son 15 “Le Klassiko”nun (Fransada bu iki komandanın oyununu belə adlandırırlar) 12-də parislilər qalib gəlib.
Turun ulduzu
Edon Jeqrova (Lill) – “şimallı itlər”in “Lans” üzərindəki çox önəmli qələbəsinin memarı kosovolu yarımmüdafiəçi oldu. Hər iki komandanın liderlərlər qrupunda qərarlaşdığını nəzərə alsaq, bu, faktiki 6 xallıq oyun idi. “Lill” qələbə sayəsində ÇL-ə vəsiqə uğrunda mübarizəni davam etdirir.
Turun sitatı
Luis Enrike, PSJ-nin baş məşqçisi (Mbappeni əvəz etməsi ilə bağlı suala cavabı): “Adamlar qərarımla razı deyil? Bu məni maraqlandırmır. Hər həftə eyni musiqi... Çox sönükdü. Baş məşqçi mənəm, qərarları mən verirəm. PSJ üçün mümkün olan hər şeyi edirəm, Parisdəki son günümə qədər də edəcəm”.

Faktlar
* PSJ bütün turnirləri əhatə edən məğlubiyyətsiz oyunlar seriyasını 25-ə çatdırdı. Paytaxt klubu bu müddətdə 18 qələbə qazanıb, 7 oyunda heç-heçə edib. Parislilər sonuncu dəfə ötən il noyabrın 7-də ÇL-in qrup oyununda “Milan”a uduzub (1:2).
* Donnarumma “Marsel”lə oyunda 10 seyv etdi. Bu, paytaxt klubunun qapıçıları üçün Liqa 1-də, eləcə “Opta”nın müvafiq statistikanı aparmağa başladığı 2006/07 mövsümündən bəri “Le Klassiko”da ən yüksək göstəricidi.
* PSJ-nin oyunçuları “Marsel” və “Lion” ilə qarşılaşmalarda 12 qırmızı vərəqə görüb ki, bu da antirekorddu.
* Qolovin cari mövsümdə 6-cı məhsuldar ötürməsini verdi. 27 yaşlı rusiyalı yarımmüdafiəçi belə ötürmələrin sayına görə Savanye (Marsel) və Qomes (Lill) ilə 2-ci yeri bölüşür. Cari mövsümün liderləri hərəyə 7 ötürmə ilə Obameyanq (Marsel) və Dembeledi (PSJ).
* “Brest” cari mövsümdə 85-ci dəqiqədən sonra vurduğu qollarla 9 xal toplayıb. Bu isə istənilən başqa komanda ilə müqayisədə üç dəfə artıqdı.
* Frank Hayz “Lans”ın “sükanı arxasında” bütün turnirlərdəki 161-ci oyununu keçirdi. O, bu göstəricidə klub tarixinin dördüncüsüdü. Hayz Arnold Sovinski (477), Eli Fryuşar (296) və Anton Marekdən (197) geri qalır.
* “Lill” cari mövsümdə keçirdiyi ev oyunlarında 30 xal (9 qələbə, 3 heç-heçə, 1 məğlubiyyət) toplayıb ki, bu da istənilən başqa komandanın göstəricisindən yüksəkdi.