Dünən yoldaşlıq oyununda Serbiya səfərdə Cənubi Kipri Mikinkoviç-Saviçin qolu ilə minimal hesabla məğlub etdi.

Karyerasını ''Fənərbaxça''da davam etdirən Duşan Tadiç əsas heyətdə yer almasa da, fasilədə meydana çıxmaqla adını Serbiya futbolu tarixinə yazdırdı. Belə ki, Tadiç yığmada 106-cı oyununu keçirdi. Bununla da təcrübəli vinger Branislav İvanoviçə məxsus rekordu yeniləyərək Serbiya yığması tarixində ən çox oyun keçirən futbolçuya çevrildi! Maraq üçün Tadiçin bu 106 qarşılaşmada 22 qol, 40 məhsuldar ötürmə ilə fərqləndiyini bildirək. ''Fənərbaxça''da isə 35 yaşlı futbolçu bu mövsüm 46 rəsmi oyunda 13 qol, 13 məhsuldar ötürməlik performans sərgiləyib.

ƏLİ