“Qəbələyə gedirik, şad xəbər odu ki…” – Ayxan Abbasov nəyə sevinir?
"Turan Tovuz" Misli premyer-liqasında 3-cü dövrəni turnir cədvəlinin 7-ci pilləsində başa vurdu.
Klub bu yöndə danışmağa həvəs göstərməsə də, avrokuboklar uğrunda mübarizə şansı qalır. Lakin bunun üçün millimizin oyunlarıyla bağlı verilən fasilədən maksimum fayda əldə edilməli, yəni son 9 tur üçün ciddi hazırlıq görülməlidi.
Bəs komandanın bu yöndə planı nədi? Bu sualla "Turan Tovuz"un baş məşqçisi Ayxan Abbasova müraciət etdik. Onun "Football-plus.az"a söylədikləri:
"Martın 21-də Qəbələyə yollanacağıq. Ordakı məşq prosesimiz martın 25-nə kimi davam edəcək. Son gündə "Qəbələ"nin əvəzediciləriylə yoxlama oyunu keçirəcəyik. 26-sı Bakıya qayıdıb premyer-liqanın 28-ci turu üçün nəzərdə tutulan "Səbail"lə matça hazırlaşacağıq. Şad xəbər odu ki, zədəlilərdən Denis Marandiçi və Luis Paçu sağlamlığını bərpa edib. Hər ikisi məşqlərdə bizimlə birlikdə olacaq. Burnu sınan Veysəl Rzayevin isə mayda yenidən meydanlarda olacağını ümid edirik. Hazırda həkim nəzarətindədi və müalicəsi davam edir".
Xatırladaq ki, “Səbail” - "Turan Tovuz" oyunu martın 30-da keçiriləcək.
KƏNAN BAHADIR
Digər xəbərlər
