“Qazaxıstandan Serbiya saytlarına kimi heç kim söz tapa bilmir” – “Qarabağ” təcrübəli meneceri necə yanıltdı?
Srağagün “Qarabağ” Avropa Liqasının 1/8 final mərhələsində “Bayer-04”lə keçirdiyi ilk görüşdə qələbəni son dəqiqələrdə əldən versə də, idman ictimaiyyətini təəccübləndirməyi bacardı.
“Football-plus.az” xəbər verir ki, oyundan qabaq çox az adam Ağdam təmsilçisinin uğurlu ola biləcəyini düşünürdü. Hətta təcrübəli menecerlərdən Erkin İbrahimov “köhlən atlar”dan minimal hesablı məğlubiyyət, ən yaxşı halda isə şanslı olacağımız təqdirdə heç-heçə gözlədiyini bildirmişdi. Fəqət Qurban Qurbanovun komandasının şanssızlıq sayəsində qələbəni əldən verməsi yenidən bizi menecer İbrahimovun fikirlərini öyrənməyə sövq etdi:
“Doğrusu, “Qarabağ” çox təəccübləndirdi. Hər komanda üst səviyyəli rəqibin ona imkan verdiyi qədər oynayır. Həqiqətən insana çox xoşdu. Qazaxıstandan Serbiya saytlarına kimi heç kim söz tapa bilmir. Kimsə demir ki, “Bayer-04”ün iki-üç əsas oyunçusu oynamadı və ya zəifdi. Yəqin ki, o tendensiya yalnız bizdə var. Kim udursa, qələbəsi kiçildilir. Uğurlu nəticə də olanda deyirik ki, rəqib yaxşı oynamadı, burda belə alındı və ya başqa şeylər”.
KAMAL SƏFƏR
Digər xəbərlər
