Çempionluq yolunda bu gün səfərdə ''Beşiktaş''a qarşı çox çətin bir oyuna çıxacaq

“Football-plus.az” xəbər verir ki, ''Qalatasaray''da derbi öncəsi bir futbolçunun heyətdən kənarlaşdırılması barədə xəbərlər yayılıb. ''Milliyət'' nəşrinin iddiasına görə baş məşqçi Okan Burukun qərarı ilə Serxio Oliveyra əsas heyətdən uzaqlaşdırılıb! Buna səbəb isə portuqaliyalı futbolçunun həm zəif performans sərgiləməsi, həm də intizamsızlığa yol verməsidi. 31 yaşlı futbolçu həftəiçi kubok çərçivəsində ''Fatih Karagümrük'' ilə oyunda start heyətində meydana çıxsa da, fasilədə əvəzlənmişdi. Deyilənə görə məhz əvəzləndikdən sonra onunla baş məşqçi Okan Buruk arasında kiçik münaqişə yaşanıb. Burukun fikrincə, Oliveyra paltardəyişmə otağında ab-havanı pozur. 2022-nin yayında 3 milyon avroya ''Portu''dan transfer olunan təcrübəli futbolçu indiyə qədər ''sarı-qırmızılar''ın heyətində 67 rəsmi oyuna çıxaraq 6 qol, 7 məhsuldar ötürmə ilə fərqlənib.

ƏLİ