“Sumqayıt” ekvadorlu futbolçu Xordan Lenin Rezabala ilə müqavilə bağlamaq üzrədi. “Football-plus.az” xəbər verir ki, yaxın günlərdə sözləşmə imzalanacaq.

23 yaşlı yarımmüdafiəçinin sonuncu klubu “Quayakil City” olub. Oyunçu bu mövsüm çıxış etdiyi 15 matçda 1 dəfə fərqlənə bilib. O, bundan öncə də “Aukas”, “Manta”, “Olmedo” kimi ölkə klublarının formasını geyib. Futbolçu Meksika aşağı liqa təmsilçisi “Tijuana”da çıxış edərək, legioner həyatı da yaşayıb.

Qeyd edək ki, Xordan Ekvadorun U-17, U-20 və U-23 yığmalarının formasını geyib, əsas yığmada çıxış etməyib. Onun avtobioqrafiyasındakı daha bir məqam, daha doğrusu, doğüm günün diqqətimizi çəkdi. Xordan Lenin fevralın 29-da dünyaya gəlib. Belələri isə bildiyiniz kimi, doğum gününü 4 ildən bir qeyd edir. Belə çıxır ki, ekvadorlu “Sumqayıt”da karyerasının necə alınmasından asılı olmayaraq, Azərbaycanı heç vaxt unutmayacaq. O, 24 yaşını “gənclik şəhəri”ndə tamamlayacaq.

KAMAL SƏFƏR