“Zahanın ötən mövsümün böyük hissəsində əzələsi ilə bağlı problemi olub. Tez-tez arxa əzələsində ağrılar olurdu. Amma “Kristal Pelas” üçün önəmli oyunçu idi. Komandasının durumu çətin idi. Elitanı tərk edə bilərdilər. Ona görə də ikihəftəlik istirahətdən sonra tam sağalmamış meydana çıxdı. Əslində durumu çox da ciddi deyil. Sadəcə, komandası üçün etdiyi bu fədakarlığın acısını çəkir. Onun üçün xüsusi məşq proqramı hazırlamışıq. Bura gəldiyi günlə müqayisədə indi durumu qat-qat yaxşıdı. Hər şey plan üzrə getsə və testlərdən uğurla keçsə, gələn həftənin cümə günü, yəni “Samsunspor”la oyundan öncə komanda ilə birgə məşqlərə başlayacaq. Ziyeş uzun müddət məşq etməmişdi. Başı transfer məsələlərinə qarışmışdı. Bura gələrkən hazır vəziyyətdə deyildi. Ona görə də riskə getmək istəmədik. Dərhal komanda ilə məşqlərə başlasaydı, zədə almaq ehtimalı var idi. Yavaş-yavaş hazır vəziyyətə gətirməyə çalışırıq. Fiziki cəhətdən zəif olması ilə bağlı səsləndirilən tənqidlərlə razı deyiləm. Bizim ehtimallarımıza görə ən gec çərşənbə axşamı və ya çərşənbə günü məşqlərə başlayacaq. Ndombeleyə gəlincə, bəzi futbolçuların bədənində yağ faizi daha yüksək olur. Adətən, futbolçuların yağ faizi maksimum 11-12 olur. Amma dünya futbolunda yağ faizi 16-ya bərabər olub yetərincə yaxşı performans göstərənlər də var. Ndombelenin yağ faizini aşağı salsaq, fiziki durumuna təsir edə bilər. Sadəcə, bir balaca artıq çəkisi var. Bu da ciddi problem deyil. Qısa müddətdə lazım olan səviyyəyə salacağıq. Bu vəziyyətdə mövsümün əvvəlindən bəri “Tottenhem”də məşqlərə çıxırdı. Həm “Tottenhem”dəki, həm də “Napoli”dəki sağlamlıq göstəriciləri əlimizdədi. Ndombele hətta fiziki cəhətdən özünü ən ideal saydığı dönəmdə də indiki çəkisində olub. İndiki halı ilə də rəsmi oyuna çıxmasında heç bir problem yoxdu”.