“Əvvəlcə bu tarixi oyunda “Qarabağ”a uğurlar arzulayıram. Komandanın xüsusən də son illərdəki uğurlu çıxışı və düzgün transfer siyasəti yaxın qonşuluqda olan ölkələrin marağını cəlb edib. Buna misal kimi Kadi Borgesin “Krasnodar”a, Mahir Emrelinin “Legiya”ya, Şahruddin Məhəmmədəliyevin “Adanaspor”a keçidini göstərmək olar. Növbəti mərhələyə keçid təkcə “Qarabağ”ın oyunçularına yox, ümumilikdə Azərbaycan premyer-liqasına marağı artıracaq. Amma birbaşa “böyük beşlik” liqalarından hansısa klubun “Qarabağ”ın oyunçuları ilə maraqlanacağına inanmıram, realist olaq. Lakin həmin liqalara tramplin olan ölkələrdən mümkündü”.

“Bu təbiidi. Onsuz da “Qarabağ”ın bütün aparıcı futbolçularına təkliflər var. Hazır turnir uğurları da varsa, kluba təkliflər daha çox olacaq. Yəni Qurban Qurbanova seçim etmək, komandanın özəyini saxlamaq ağır olacaq. Amma başqa cür də olmur. Uğur qazanmaq istəyiriksə, onun bir tərəfi də budu, qaçılmazdı”.