“Bəli, “Qarabağ” çox yüksək səviyyədə oynadı. Xətlərarası əlaqə, oyunçuların həm fərdi, həm də kollektiv şəkildə göstərdiyi performans çox yaxşı idi. Hətta mən burda sualı başqa cür qoyardım. Məsələn, nəyə görə biz “Qarabağ”ı gözümüzdə böyütməyək? Artıq neçə mövsümdü Avropada çıxış edir. Bu mövsüm də təkcə Azərbaycanda yox, həmçinin Avropa Liqasında da ən gözəl oyun nümayiş etdirən komandalardan biridi. Təbii ki, burda həm məşqçi işini xüsusi qeyd etmək lazımdı, həm də futbolçuların özünü komandanın uğuruna həsr etmələrini. Uğurun görünməyən qəhrəmanları olur ki, onlar da məşqçilər korpusudu. Fürsətdən istifadə edib bu sevinc hissini bizə yaşatdıqları üçün hər birinə təşəkkür edirəm. Bu, iki top fərqi ilə yanaşı, həm də rəqibi əzə-əzə qazanılan qələbə idi. Bu oyuna görə də deyə bilərik ki, “Qarabağ” mərhələni keçə biləcək gücdədi və keçəcək. Bu uğurun davamının gəlməsini arzulayırıq”.