“Zatən güclü klublar qalmışdı. Buralara qədər gəlib çıxa bildiyimiz üçün bizə də güclü rəqib düşdü. “Fiorentina” Avropada ən yaxşılardan biridi. Amma biz də elə-belə kollektiv deyilik. Ardıcıl 3 mövsümdü avrokuboklarda oynayırıq. Anadoludan indiyə qədər ardıcıl 3 il Avropada oynayan klub olmamışdı. Son illərdə həqiqətən də gözəl işlər görürük və bunu davam etdirmək istəyirik. Bizim kimi heyəti və maddi imkanları geniş olmayan klublar üçün həm çempionatda, həm də Avropada sabit oynamaq çətin olur. Bu iki turnirdən başqa ölkə kubokunda da yolumuza davam edirik. Yəni ortada mükəmməl hədəflər var. Ona görə də tərimizin son damlasına qədər mübarizxə aparacağıq. “Fiorentina”nı gözümüzdə böyütməyəcəyik. Sadəcə, oyuna çox yaxşı hazırlaşmaq lazımdı. İlk oyunumuz səfərdədi. Diqqətli oynayıb evə sərfəli nəticə ilə qayıtmağa çalışacağıq. Öz meydanımızda fanatlarımızın da dəstəyi ilə mərhələni keçməyə cəhd göstərəcəyik. Avrokuboklarda oyunlar tam başqa həyəcana səhnə olur. Bizim bura qədər gəlməyimiz çox gözəldi. Klubuma, oyunçularıma və fanatlarımıza güvənirəm”.