CAS Haleplə bağlı dinləmələr keçirdi
Lozannada yerləşən İdman Arbitraj Məhkəməsi (CAS) rumıniyalı tennisçi Simona Halepin antidopinq qaydalarını pozduğuna görə 4 il müddətinə yarışlardan uzaqlaşdırılması ilə bağlı qərardan apellyasiya şikayətinə baxıb.
Dinləmələr fevralın 7-9-da baş tutub. İAM-ın nə vaxt qərar verəcəyi hələ məlum deyil. Məhz bu qərar Halep üçün karyerasını davam etdirmək və ya idmandan getmək ilə bağlı son nəticəyə gəlmək baxımından həlledici amil olacaq.
Halep “Tennis World USA” qaynağına belə deyib:
“Dinləmələrdə başverənlərlə bağlı sizə qətiyyən heç nə deyə bilmərəm, amma onu deyə bilərəm ki, bu iclas mənə mövqeyimi çatdırmaq və günahsızlığımı əsaslandırmaq imkanı yaratdı”.
Sentyabrın 12-də Beynəlxalq Tennis Dürüstlüyü Agentliyi (ITIA) 32 yaşlı idmançını antidopinq qaydalarını pozduğuna görə 4 il müddətinə yarışlardan uzaqlaşdırıb. Bundan sonra Halep qida əlavələri istehsalçısını məhkəməyə verib. Rumıniyalının diskvalifikasiya müddəti 2022-ci il oktyabrın 7-dən hesablanır və 2026-cı il oktyabrın 6-dək davam edəcək.
Digər xəbərlər
