Dekabrın 29-da Səudiyyə Ərəbistanında oynanılması planlaşdırılan, ancaq müəyyən problemlər üzündən baş tutmayan ''Qalatasaray'' - ''Fənərbaxça'' derbisi ilə bağlı ərəblər tərəfindən yeni addım atılıb.

"Football-plus.az" xəbər verir ki, belə ki, onlar ödənilən pulların geri qaytarılmasını tələb edirlər! Bilindiyi kimi əzəli rəqiblər Türkiyə superkuboku çərçivəsində paytaxt Ər-Riyadda qarşılaşmalı idilər. Amma ərəblər Türkiyə cümhuriyyətinin qurucusu və ilk prezidenti Mustafa Kamal Atatürkə aid pankart, banner və köynəklərə icazə vermədiyindən oyun baş tutmamışdı. Anlaşmaya əsasən ərəblər bu oyunu qəbul etməyin qarşılığında 4,5 milyon avro ödəmişdilər. Bu pulun 20 faizi Türkiyə Futbol Federasiyasına çatmış, 80 faizi isə iki klub arasında bərabər şəkildə bölüşdürülmüşdü. İndi Səudiyyə Ərəbistanının dövlət rəsmiləri 4,5 milyon avronun geri qaytarılması üçün TFF-yə məktub göndərib. Tərəflər arasında danışıqlar davam edir. Banklar Birliyi ilə hələ 2021-ci ildə imzalanan anlaşmaya görə superliqa klublarının büdcəsinə daxil olan pulun 50 faizi dərhal borclara çıxılır. Ona görə də TFF-nin ərəblərə bu pulu necə qaytaracağı maraq doğurur.

ƏLİ