Parkerin məntiqi: çempion olmayıbsansa, ən yaxşı adına iddia edə bilməzsən
Hazırda MBA-nın simasını müəyyənləşdirən oyunçulardan biri də “Dallas”ın müdafiəçisi Luka Donçiçdi.
Sloveniyalı ulduz elə oyun sərgiləyir ki, onun MBA tarixinin ən yaxşı avropalı oyunçusu olub-olmaması ilə bağlı müzakirələr gedir. Dueyn Ueydin “The Why” podkastının qonağı olan “San-Antonio”nun oyun qurucusu Toni Parker bu mövzuda maraqlı fikirlər səsləndirib:
“Hesab edirəm ki, yalnız MBA çempionluğunu qazanandan sonra tarixin ən yaxşı avropalı oyunçusu olmağa iddia etmək mümkündü. Bu mövzuda söhbətlər xoşuma gəlir. Bu mövzuda daim qardaşımla mübahisə edirik. Mən MBA çempionu olmuşam və hesab edirəm ki, sən bu duyğuları yaşamamasansa, namizəd və bu müzakirələrin bir hissəsi ola bilməzsən”.
“The Why” podkastının digər qonaqları ispaniyalı Pau Qazol və alman Dirk Novitski olub. Xatırladaq ki, Parker “San-Antonio”nun heyətində 3 dəfə MBA çempionluğunun sevincini yaşayıb. Fransalı 2003, 2005, 2007 və 2014-cü illərdə çempion olub. Qazol “Leykers”lə (2009, 2010), Novitski “Dallas”la (2011) MBA-nın baş mükafatına yiyələnib.
MBA-da 6-cı mövsümünü keçirən 24 yaşlı Donçiç isə bunların 4-də mövsümün yekununda ən yaxşı 5 oyunçu siyahısına düşüb, 4 dəfə Ulduzların oyununa qatılıb.
Parket üzərində yaşananlara gəlincə, srağagün keçirilən “Minnesota” – “Oklahoma-Siti” oyununun nəticicəsi maraq doğururdu. Axı hər iki komanda Qərb konfransının liderlərindəndi. “Oklahoma-Siti” səfərdə 102:97 hesabıyla qalib gəlsə də, zirvəni ələ keçirə bilmədi. 42 oyunda 29 qələbəsi olan komanda 2-ci pillədə qərarlaşıb. Ardıcıl 4 qələbədən sonra ilk məğlubiyətlə barışan “Minnesota” isə 42 oyunun 30-da qələbə qazanıb və “Oklahoma-Siti”ni 2 xal qabaqlayır.
20 yanvar
Orlando – Filadelfiya 76 109:124 (34:32, 26:36, 16:21, 33:35)
Şarlott – San-Antonio 124:120 (34:32, 32:26, 31:27, 27:35)
Boston – Denver 100:102 (32:31, 29:24, 21:26, 18:21)
Mayami – Atlanta 108:109 (24:32, 32:25, 27:24, 25:28)
Nyu-Orlean – Finiks 109:123 (28:41, 24:28, 28:31, 29:23)
Portlend – İndiana 118:115 (34:31, 30:22, 24:28, 30:34)
Leykers – Bruklin 112:130 (37:28, 31:34, 22:38, 22:30)
Detroyt – Miluoki 135:141 (38:34, 29:36, 31:33, 37:38)
21 yanvar
Vaşinqton – San-Antonio 127:131 (36:37, 30:35, 34:28, 27:31)
Şarlott – Filadelfiya 76 89:97 (24:24, 21:22, 28:23, 16:28)
Atlanta – Klivlend 95:116 (20:25, 25:34, 25:34, 25:23)
Nyu-York – Toronto 126:100 (31:31, 28:26, 33:21, 34:22)
Minnesota – Oklahoma-Siti 97:102 (24:30, 30:27, 29:17, 14:28)
Hyuston – Yuta 127:126 ОТ (31:24, 33:27, 25:38, 26:26, 12:11)
Çikaqo – Memfis 125:96 (21:17, 29:23, 36:29, 39:27)
Klippers – Bruklin 125:114 (24:27, 25:34, 35:38, 41:15)
22 yanvar
Vaşinqton – Denver 104:113 (24:33, 28:29, 26:27, 26:24)
Orlando – Mayami 105:87 (22:19, 26:27, 33:23, 24:18)
Hyuston – Boston 107:116 (25:35, 30:35, 25:20, 27:26)
Finiks – İndiana 117:110 (33:25, 32:36, 26:22, 26:27)
Leykers – Portlend 134:110 (36:31, 31:23, 36:33, 31:23)
Digər xəbərlər
