Braziliya Futbol Konfederasiyasına (BFK) rəsmi xəbərdarlıq edilib.

"Football-plus.az" xəbər verir ki, FİFA bu ölkənin milli və klub komandalarının beynəlxalq turnirlərdəki çıxışına qadağa qoya bilər.

Səbəb BFK-nın prezidenti vəzifəsinə keçiriləcək seçkidə bu prosesə mümkün kənar müdaxilə ilə bağlıdı. Bu haqda FİFA-nın BFK-ya ünvanladığı məktubda bildirilib. Ali futbol qurumu Ernaldo Rodrigesin prezident postundan uzaqlaşdırılma prosesinin sürətlənməsindən narahatdı. Qeyd edək ki, BFK-da seçkinin gələn ilin yanvarında keçirilməsi nəzərdə tutulub.

FİFA rəhbərliyi korrupsiyada ittiham olunan Rodrigesin səlahiyyət müddəti başa çatmadan vəzifəsini tərk etməsini ali təşkilatın nizamnaməsinə zidd olduğunu bəyan edib. Əks halda Braziliyanın bütün kateqoriyalardan olan yığmaları və klubları beynəlxalq yarışlardan kənarlaşdırılacaq.