Klubuna yenə gərək olmadı

Fabio Karvalyo klubuna yenə gərək olmayıb.

"Football-plus.az" xəbər verir ki, artıq onun “Hall Siti”yə keçidi rəsmiləşib. “Liverpul” gənc futbolçunu cari mövsümün sonuna kimi bu kluba icarəyə verib. Karvalyo peşəkar karyerasına “Fulhem”də başlayıb. O, 2022-ci ilin yayında 5,9 milyon avroya “Liverpul”a keçib. Fabio bu komandada 21 oyun keçirib və 1 qol vurub. Portuqaliyalı futbolçu 2023-cü ilin yayından dekabrınadək icarə əsasında “Leyptsiq”də oynayıb. O, bu komandanın 15 oyununda iştirak edib.