Xaliq Mərdanov Adil Şükürova inanır
Əvəzedicilərin çempionatında da 1-ci yarı başa çatıb.
"Kəpəz-2" qış fasiləsinə 9-cu pillədə yollandı. "Sarı-göylər"in baş məşqçisi Xaliq Mərdanov komandanın 2023-cü ildəki çıxışıyla bağlı bunları dedi:
"Bizim üçün başlıca məqsəd əsas komandaya futbolçu yetişdirməkdi. Heyətimizdə 16-20 yaş arasındakı futbolçular yer alır. Bacardıqca onları inkişaf etdirmək, potensialını üzə çıxarmaq istəyirik. Hər il əsas komandaya bir futbolçu bəxş etsək, böyük işdi. Sevindirici hal odu ki, hazırda 4 futbolçumuz "Kəpəz"dədi və onlar imkan daxilində elitada oynamaq şansı qazanırlar".
Xaliq bəy Adil Şükürovun məşqçi işinə və "Kəpəz"in elitada qalıb-qalmayacağına da toxundu:
"Adil müəllim yaxşı məşqçidi, hesab edirəm ki, onun gəlişiylə komandamızın oyun tərzində və nəticələrində irəliləyiş var. İnşallah, bundan da yaxşı olacaq. Bütün gəncəli futbolsevərlərin amalı odu ki, "Kəpəz" elitada qalsın. Bunun üçün hamılıqla mübarizə aparacağıq. Allahın izniylə premyer-liqada qalmaq, daha da inkişaf etmək istəyirik".
ABDULLA İSMAYILOĞLU
Digər xəbərlər
