İngiltərə premyer-liqasında 20-ci tura srağagün keçirilən ''Vest Hem'' - ''Brayton'' oyunu (0:0) ilə yekun vuruldu.

“Football-plus.az” xəbər verir ki, qonaqların üzvü Ceyms Milner meydana çıxmaqla önəmli bir göstəriciyə nail oldu. O, premyer-liqada 632-ci qarşılaşmasını keçirdi və turnirin tarixində ən çox oyun keçirən futbolçuların siyahısında 2-ci pillədə qərarlaşan ''Mançester Yunayted''in əfsanəsi Rayan Giqqzə çatdı! Bu siyahıya Qaret Barri başçılıq edir. Karyerasını 2020-ci ildə tamamlayan Barri premyer-liqada 653 oyun keçirib. 4-cü pillədə Frenk Lempard (609), 5-ci pillədə Devid Ceyms (572) qərarlaşıb. Milnerin artıq bu mövsüm Barrinin rekordunu yeniləmək şansı yoxdu. Amma yayda karyerasını bitirməsə, gələn mövsüm rekordçuya çevrilə bilər. Milner həm də 2002-ci ildən bu yana fasiləsiz olaraq 23 ildi, premyer-liqada oynayır! Bu göstəricidə də o, Giqqzə məxsus rekordu təkrarlayıb. 36 yaşlı Milner daha öncə ''Lids'', ''Nyukasl'', ''Aston Villa'', ''Mançester Siti'' və ''Liverpul''da top qovub. ''Brayton''da isə o, ilk mövsümünü keçirir.

ƏLİ