Vüsal İsgəndərli bu gün Albaniya "Eqnatiya”sını Türkiyənin 1-ci liqa təmsilçisi "Boluspor"a dəyişdi.

"Football-plus.az" xəvır verir ki, adı çəkilən komanda təxminən 2 saat öncə futbolçunu heyətinə qatdığını açıqladı. Hazırda azərbaycanlılar klubun rəsmi səhifəsinin altında Vüsalı tərifləmək və ona uğur arzulamaqla məşğuldu. Xoş arzulara biz də qoşuluruq. Amma və lakin...

"Ultras Boluspor" fanklubunun “feysbuk” səhifəsinin şərh bölümündə "qan su yerinə axır" desək, yanılmarıq. Azarkeşlər Vüsalın transferini kəskin etirazla qarşılayıb. Onların yazdığı fikirlərdən bəzilərini diqqətinizə çatdırırıq.

Suat Yerlikaya: "Bizə xeyri olmayacaq hücumçuları almağa davam edirik".
Alpərən Bozkurt: "Cənab prezident, bu futbolçu komandaya uyğunlaşmaqda çox çətinlik çəkəcək. Yəqin ki, mövsümün sonuna qədər bizi bu bəhanəylə ovudacaq".
Fuad Ayən: "Türkiyənin akademiyalarında, aşağı liqalarında Vüsal kimi yüzlərlə futbolçu var. Nə gərək var idi?"
Hifsi Bilginsoy: "Bu futbolçunun əvəzinə iki yerli futbolçu almaq olardı. Türkiyədəki oyunçular daha yaxşıdı. Vüsalı "Keçiörəngücü"ndə çıxış edəndə izləyirdik. Büdcəni necə dağıdacağınızı yaxşı bilirsiz".
Üfüq Uful: "Bizə ləbləbi dadında qol vuran futbolçular lazımdı. Vüsalın indiki hücumçulardan nə fərqi var?"
Ebru Tabak: "Yaradıcı oyunçu tələb edirik. Albaniyada vurduğu qolları izləmişəm. Əksəriyyəti komanda yoldaşlarının əziyyəti nəticəsində ortaya çıxıb. Bizə "yoxdan var edəcək" futbolçular lazımdl. Yoxsa hələ 10-cu sırada qalacağıq".

Xatırladaq ki, “Boluspor” Türkiyə çempionatının aşağı dəstəsində 22 xalla 9-10-cu yerləri bölüşür.

KƏNAN BAHADIR