''Fənərbaxça'' və Türkiyə yığmasının üzvü Umut Nayırın ailəsində üzücü olay yaşanıb.

"Football-plus.az" xəbər verir ki, təcrübəli forvardın 4 aylıq hamilə olan həyat yoldaşının körpəsini itirdiyi məlum olub. Umutun həyat yoldaşı Enfal Nayır öz səhifəsindəki paylaşımında bunları qeyd edib: ''Həkimə müayinə üçün getdikdə 16 həftəlik körpəmizin qəlbinin dayandığını öyrəndik. Qızımızla vidalaşdıq. Bizə və acımıza hörmət edib lazımi həssaslığı göstərəcəyinizə ümid edirik''. Qeyd edək ki, Nayır ailəsinin Azurri adlı 1 yaşlı oğlan övladı var. Daha öncə ''Osmanlıspor'', ''Yeni Malatyaspor'', ''Göztəpə'', ''Beşiktaş'', ''Bursaspor'', ''Hayduk'', ''Girəsunspor'' və ''Eyupspor''da top qovan 30 yaşlı hücumçu bu yay ''Fənərbaxça''ya transfer olundu. Amma o, Ceko və Batşuayidən sonra 3-cü hücumçu statusunda olduğundan o qədər də çox şans qazanmır. Umut bu mövsüm heç bir oyunda start heyətində meydana çıxmayıb. Şans qazandığı 10 rəsmi matçda ümumilikdə 103 dəqiqə meydanda olan futbolçunun aktivində qol və ya məhsuldar ötürmə yoxdu. Türkiyə yığmasında indiyə qədər 4 matçda 148 dəqiqə meydanda olub və 1 dəfə fərqlənib. Həmin qolu AÇ-2024-ün seçmə mərhələsində Uels ilə ev oyununda vurub.

ƏLİ