“Lukaku” qasırğası və “qırmızı-şeytanlar”dan 5 cavabsız qol... “Kral Boduen” stadionunda 30276 azarkeş var idi. Oyunun başlama vaxtı uyğun olduğu üçün çoxu ailəsiylə birlikdə millimizə dəstək olmağa gəlmişdi. Hər kəs liderliyə aparan qələbə arzusunda idi, lakin heç kim 5:0 hesablı qələbənin qeydə alınacağını düşünməmişdi. Bu həm xoş sürpriz idi, həm də belçikalılara çox gözəl hədiyyə! Görünür, Domeniko Tedesko Avropa çempionatı üçün tipik komanda formalaşdırıb. Son vaxtlar millinin həm müdafiə, həm də hücum xəttində yüksəliş hiss olunur. Futbolçular azərbaycanlıların yanından sanki onlar yox imiş kimi keçirdi. Necə gözəl mənzərədi. Rəqib o qədər çaşqınlıqdadı ki, hərəkət etməkdə belə çətinlik çəkir. Bizimkilər isə şirniyyat mağazasına girmiş azyaşlını xatırladırdı. Xoşbəxt, hansı şirin məmulatı almaq üçün qərar verməkdə çətinlik çəkən uşaqlar... Bilmirdilər ki, hansı futbolçunu aldatsınlar, hansı mövqedən qol vursunlar... Rəqibin seçilən oyunçusu isə Eddi İsrafilov oldu. Eddi... Necə də gözəl addı... Yox, “qırmızı” aldığına görə demirik, həqiqətən, onun adı xoşumuza gəldi. Heyif ki, Eddi Lukakunun səxavətinə meydanda şahid olmadı. Romelu əfsanəvi bombardirdi. İndiyə qədər Fransa, Almaniya və İngiltərə kimi ölkələrlə qarşılaşmağa qorxurduq. Bundan sonra belə olmayacaq. Dokyu və Lukaku formada qaldıqca, hər kəs bizdən qorxacaq. Çünki Tedesko, sadəcə, qələbə qazanmır, həm də hər dəfə yeni planlara cəhd edir”.

“Əvvəlcədən paltardəyişmə otağında demişdim ki, Azərbaycanla matçın gərginliyini nəzərə almasaq, hər şey fiasko ilə bitə bilər. Qələbəyə və Avropa çempionatına vəsiqə qazandığımıza görə şadam. Leuvendə meydanın durumu pis olsa da, oyuna yanaşmamız və motivasiyamız yaxşı idi. Sürətli oynamaq, ilk yarım saatda qol vurmaq vacib idi. Belə də oldu. Bundan sonra qısa zamanda ardıcıl qollar vurduq. Azərbaycanın yaxşı komanda olduğunu bilirdik. Əks təqdirdə İsveçə 3:0 hesabıyla qalib gəlməzdilər. Yan Vertongenlə birlikdə matça uğurlu başlamaq üçün komandaya motivasiya verdik. İşimi görə bildiyim üçün sakitəm. Yığmaya və komanda yoldaşlarıma görə çox xoşbəxtəm. Çünki Avropa çempionatı onların əksəriyyəti üçün ilk böyük turnir olacaq. Yeni nəslə keçid dövrü çox yaxşı gedir”.

“Təəssüf ki, qol vura bilmədim. Azərbaycanla matça ciddi yanaşırdıq. Bunu meydanda da görürdüz. Romelu Lukaku çox effektli idi. Azarkeşlər adımı uca səslə çəkirdi. Mənim üçün ən vacibi komandama qələbə qazanmaqda kömək etmək idi”.