Braziliya çempionatında son iki həftədə dörd tur keçirildi.

"Football-plus.az" xəbər verir ki, inanılmazdı, amma artıq reallaşan faktdı: bu turlarda ən az xal toplayan iki komandadan biri “Botafoqo” oldu. 4 oyuna yalnız 1 xal qazana bilən rio de janeyrolular artıq A seriyasının lideri deyil!

Bəli, baş məşqçi kimi fəaliyyəti yalnız təxminən üç ay çəkən Bruno Lajenin istefaya göndərilməsindən sonra müvəqqəti çalışdırıcının ümidinə qalan “Botafoqo” Lusio Flavionun rəhbərliyi altında keçirdiyi son 4 oyundan ilk üçündə məğlub oldu. Özü də bu nəticələrin ikisi evdə qeydə alındı. “Ağ-qaralar” üçün kabusa çevrilən uğursuz oyunlar seriyası belə oldu. 31-ci turun “Palmeyras”la ev oyununun ilk hissəsini 3:0 hesabıyla başa vuran rio de janeyrolular fasilədən sonra 4 cavabsız top buraxaraq uduzdular. 32-ci turda “Vasku da Qama”ya səfərdə minimal hesabla uduzan “Botafoqo” üçün növbəti ev oyunu yerli azarkeşləri, necə deyərlər, dəlilik həddinə çatdırdı: “Qremio” ilə matçın 2-ci hissəsinin əvvəlində 3:1 hesabıyla öndə olan Flavionun komandası məşhur uruqvaylı hücumçu Suaresin het-triki qarşısında aciz qaldı - 3:4. Nəhayət, 4 oyunluq məğlubiyyət seriyasına 34-cü turun “Braqantino” ilə səfər matçında son qoyuldu – 2:2. Amma, necə deyərlər, artıq qatar getmişdi və “Botafoqo” fiasko kimi dəyərləndirilən nəticələrdən sonra mövsümün ilk turlarından əlində olan liderliyi itirdi! Artıq əksər bukmeker kontorları komandanın çempionluq şansını bir ay əvvəl olduğu qədər yüksək dəyərləndirmirlər. Rio de janeyrolular üçün yeganə üstünlük ehtiyatda bir oyunun qalmasıdı. Yəni həmin matçda qələbə qazanılacağı halda liderlik geri qaytarıla bilər. Amma ortaya bu sual da çıxır: psixoloji cəhətdən sarsılan komanda 44 yaşlı Flavionun başçılığı altında qalan 4 turda da əsas rəqiblərindən daha çox xal yığa və çempion ola biləcəkmi?..

1-ci yerə “Palmeyras” çıxdı. 30-cu turdan sonra “Botafoqo”nun əsas izləyicisi olan son çempionun Libertadores Kubokunda mübarizəni dayandırandan sonra A seriyasına yaxşıca köklənə bilib. Abel Ferreyranın komandası son 4 oyunu 3 qələbə və 1 məğlubiyyətlə başa vurdu. Sözsüz, “Botafoqo” üzərində superəzmkar qələbə titulu qorumaq yolunda atılan vacib addım oldu. San paululular hazırda bu rəqibini bir oyun çox keçirməklə 2 xal qabaqlayırlar.
Ümumiyyətlə, A seriyasında finişə 4 tur qalmış titul uğrunda mübarizə inanılmaz dərəcədə gərginləşib. Son 4 oyunda “Qremio” da “Palmeyras” kimi 9 xal qazandı. Bu nəticə ilə 3-cü yerə çıxan Renato Qauşunun komandası azarkeşlərini finiş ərəfəsində əməlli-başlı ümidləndirdi.

Doğrudu, portu aleqrililər kimi 59 xalla cədvəlin 4-cü pilləsində olan “Braqantino” itirilməyən xallara əsasən daha əlverişli vəziyyətdədi. Mövsümün finişi ərəfəsində yüksəlişdə olan Pedro Kayşinyanın çalışdırdığı komandanın ehtiyatda bir oyunu var. Və həmin matçda qazanılacaq qələbə braqançalıların çempionluq şansını daha da artıra bilər.

Nəzəri cəhətdən “Atletiko Mineyro” ilə “Flamenqo”nun azarkeşləri də titula ümid edə bilərlər. Hərəyə 57 xal toplayan bu komandalar arasında üstünlük ehtiyatda bir oyunu olan “Flamenqo”dadı. Bir sözlə, müxtəlif səbəblərdən təxirə salınan oyunların nəticəsinin çempionluq yarışının finişinə təsiri çox olacaq.

31-ci tur
Botafoqo RJ – Palmeyras 3:4
Eduardo, 21. Tçe Tçe, 30. Junior Santos, 36 – Endrik, 49; 84. X.Lopes, 89. Murilo, 90+9.
Koritiba - Qremio 1:2
Robson, 60-p. – Vilyasanti, 27. Ferreyra, 83.
Atletiko Mineyro - Fortaleza 3:1
Paulinyo, 16; 56. Halk, 61-p. – Lusero, 44.
Qoyas - Braqantino 0:2
Borbas, 45. Talisson, 90.
Bayya - Fluminense 1:0
Everaldo, 40.
Flamenqo - Santos 1:2
Pedro, 21 - Nonato, 33. Joakim, 89.
Korintians - Atletiko Paranaense 1:0
Yuri Alberto, 63.
İnternasyonal - Amerika Mineyro 1:1
Valensiya, 15 – Marlon, 74.
San Paulu - Kruzeyro 1:0
Lusiano, 84.
Kuyaba - Vasku da Qama 0:2
Qabriel Pes, 57. Orelyano, 90+10.

32-ci tur
Vasku da Qama - Botafoqo RJ 1:0
Paulu Enrike, 29.
Palmeyras - Atletiko Paranaense 1:0
Endrik, 6.
Qremio - Bayya 1:0
Suares, 70.
Amerika Mineyro - Atletiko Mineyro 1:1
Mastriani, 66 - Paulinyo, 80.
Braqantino – Korintians 1:0
Elinyo, 29.
Kruzeyro – İnternasyonal 1:2
Bruno Rodriges, 90+2-p. – Maurisio, 14. Vanderson, 52.
Fortaleza – Flamenqo 0:2
Pedro, 45. Luis Arauxo, 87.
Koritiba - Qoyas 0:1
Rafael Quzzo, 70.
Santos - Kuyaba 0:0
“Fluminense” – “San Paulu” oyunu noyabrın 23-nə təxirə salınıb.

33-cü tur
Botafoqo RJ – Qremio 3:4
Dieqo Kosta, 6. Junior Santos, 26. Marlon Freytas, 46 – Everton Qaldino, 9. Suares, 50; 53; 69.
Flamenqo - Palmeyras 3:0
Pedro, 18; 64. De Arraskaeta, 29.
İnternasyonal - Fluminense 0:0
Amerika Mineyro – Koritiba 0:3
Bruno Qomes, 22. Moreno, 35. Robson, 69.
San Paulu – Braqantino 1:0
Erison, 90+3-p.
Atletiko Paranaense - Fortaleza 1:1
Villian, 57 – Gilyerme, 54.
Korintians - Atletiko Mineyro 1:1
A.Romero, 23 – Paulinyo, 67.
Qoyas – Santos 0:1
Furç, 87.
Bayya – Kuyaba 0:3
Deyverson, 22-p. Pitta, 77. Ronald, 90+8.
“Kruzeyro” – “Vasku da Qama” oyunu noyabrın 23-nə təxirə salınıb.

34-cü tur
Braqantino - Botafoqo RJ 2:2
Borbas, 3; 90+6 – Viktor Sa, 35. Eduardo, 37.
Palmeyras - İnternasyonal 3:0
Ze Rafael, 28. Endrik, 59. Roni, 88.
Qremio - Korintians 0:1
A.Romero, 32.
Flamenqo - Fluminense 1:1
De Arraskaeta, 45+2 – Y.Qonsales, 62.
Koritiba - Kruzeyro 1:0
Robson, 90+1.
Vasku da Qama - Amerika Mineyro 2:1
Veqetti, 4. Payet, 90+4 – Mastriani, 13.
Santos - San Paulu 0:0
Atletiko Mineyro – Qoyas 2:1
Halk, 41-p. Gilyerme Arana, 70 – Dodozinyo, 88.
Bayya - Atletiko Paranaense 1:1
Everaldo, 73-p. – Kanobbio, 87.
Kuyaba - Fortaleza 2:1
Deyverson, 6. Pitta, 90+2-p. – Yaqo Pikaçu, 90+8.

1. Palmeyras 34 18 8 8 56-30 62
2. Botafoqo RJ 33 18 6 9 53-30 60
3. Qremio 34 18 5 11 57-50 59
4. Braqantino 33 16 11 6 46-29 59
5. Atletiko Mineyro 34 16 9 9 43-27 57
6. Flamenqo 33 16 9 8 50-37 57
7. Atletiko Paranaense 34 13 12 9 47-39 51
8. Fluminense 33 13 8 12 43-42 47
9. Kuyaba 34 13 8 13 36-35 47
10. San Paulu 33 12 10 11 37-35 46
11. Korintians 34 10 14 10 39-39 44
12. Fortaleza 32 12 7 13 36-37 43
13. İnternasyonal 34 11 10 13 38-43 43
14. Santos 34 11 9 14 37-55 42
15. Vasku da Qama 33 11 7 15 35-43 40
16. Bayya 34 10 8 16 39-47 38
17. Kruzeyro 32 9 10 13 29-28 37
18. Qoyas 34 8 11 15 34-49 35
19. Koritiba 34 8 5 21 39-67 29
20. Amerika Mineyro 34 4 9 21 39-71 21
Bombardirlər: Paulinyo (Atletiko Mineyro) – 17, Tikinyo Soares (Botafoqo RJ) - 16, Suares (Qremio) - 14.