Misli premyer-liqasının 13-cü turunda "Kəpəz" səfərdə "Araz-Naxçıvan"ı məğlub etməyi bacardı - 1:0.

Bu qalibiyyətlə bağlı "sarı-göylər"in yarımmüdafiəçisi Tural Rzayev fikirlərini "Football-plus.az" saytı ilə bölüşdü:

"Qarabağ"la oyundan sonra demişdim ki, "Araz-Naxçıvan"la matç bizim üçün final olacaq. Çünki başqa çıxış yolumuz yox idi. Sevindirici hal o idi ki, ən yaxın rəqibimiz "Qəbələ" bizdən uzaqlaşmamışdı. Etibar müəllim də bizi bu matça çox yaxşı hazırladı. Həm Azər müəllim, həm də bütün Gəncə üçün oynadıq. Azarkeşlərimizə də təşəkkür edirəm. Onlar hər zaman yanımızda olurlar. Komanda olaraq fanatlarımızı xoşbəxt edə bildik".

Rzayev komandanın "sükanı arxası"na gələcək yeni baş məşqçi Adil Şükürov haqda da fikirlərini bildirdi:

"İnşallah, Adil müəllimin də təyinatı uğurlu olar və "Kəpəz" qələbələri sıralamağa davam edər. Yeni baş məşqçimizə də işlərində müvəffəqiyyət arzulayıram. Hər şey Gəncə futbolunun xeyrinə olsun. Bizim də istəyimiz budu. Bir gəncəli olaraq bu yolda əlimdən gələni etməyə hazıram".

CAVİD ƏLİYEV