"Qarabağ"ın prezidenti Tahir Gözəl Avropa Liqası qrup mərhələsinin "Bayer-04"lə oyunundan sonra jurnalistlərin suallarını cavablandırıb.

"Football-plus.az" xəbər verir ki, klub rəhbəri qarşılaşmanı dəyərləndirib:

- Həm sevincli, həm də üzgünəm. Hər iki komandanı təbrik edirəm. Rəqibimiz də çox gözəl oyun göstərdi. Məni ən çox sevindirən odu ki, ötən oyundan sonra psixoloji xəsarət qalmamışdı. Bu, Qurban Qurbanovun məharətidi. Özünə inanan, hücum futbolu oynayan, risklər edən bir "Qarabağ" var idi. Son dəqiqələrdə gələn qola söz tapa bilmirəm. Bu, futboldu, hər zaman yaxşı oynayan qazanmır. Biz çox gözəl oynadıq. Qələbə qazansaydıq, Zəfər Bayramında möhtəşəm hədiyyə olacaqdı.

- Penalti epizodunda hansı hissləri keçirdiniz?
- 10-15 saniyə mənim üçün zaman dondu, heç bir reaksiya verə bilmədim. Ümidim var idi ki, VAR penaltini ləğv edəcək.

- "Qarabağ"ın qrup ikincisi olması nə dərəcədə realdı?
- Hesab edirəm ki, ikinci yeri tuta bilərik.