Dünən "Qəbələ”nin U-19 komandası Gənclər Liqasının 2-ci mərhələsinin ilk oyunu çərçivəsində “Olimpiakos”la qarşılaşıb.

Görüş Pirey təmsilçisinin 3:0 hesabı ilə başa çatıb. Qarşılaşmadan sonra qonaqların çalışdırıcısı Sotirios Sylaidopoulos "football-plus.az"ın suallarını cavablandırdı...

- Görüşdə 3:0 hesablı qələbə qazandız. Matç haqda nə deyə bilərsiz?
- Oyuna yaxşı başladıq. İlk fürsətdə 11 metrlik cərimə zərbəsi əldə etdik. Heyif ki, ikinci penaltidən yararlana bilmədik. Ümumilikdə oyuna biz nəzarət edirdik. Düzdü, ikinci hissədə rəqib topa nəzarət etdi. Hətta qol şansları da qazandılar. Lakin biz əlimizə düşən fürsətləri dəyərləndirə bildik. Bu səbəbdən qələbə qazandıq. İndi Pireydəki oyuna hazırlaşmalıyıq.

- Demək olar ki, "Olimpiakos" artıq növbəti mərhələdədi?
- Xeyr! İndidən nəsə demək olmaz. 3:0 hesablı qələbə qazansaq da, ehtiyatlı olmalıyıq. Ola bilər ki, "Qəbələ" tam başqa motivasiya ilə meydana çıxsın və daha böyük hesabla qələbə qazansın. Bu səbəbdən də Pireydəki matçda da qalib gəlməliyik.

- Azərbaycana oyundan 3 gün öncə gəldiz. Ölkəmiz haqda təəssüratlarınızı bilmək maraqlı olardı...
- Super hisslər keçirdik. "Qəbələ" rəhbərliyinə təşəkkür edirik. Bakıda da, Qəbələdə də maraqlı anlar yaşadıq. Burdakı şərait əladı. Yaxşı otellərdə məskunlaşdıq. Məşq etdiyimiz stadionlar da ideal idi. Bir sözlə, Azərbaycana səfərimizdən razı qaldım.

İLKİN SULTANLI