Son günlər mətbuatda AFFA-nın nəzdində olan Ağsu şəhər stadionu ilə bağlı şikayətlərə rast gəlirik.

Belə ki, arena ərazisində tez-tez gecə gəzintiləri keçirən rayon sakinləri bir aya yaxındı işıqlandırmanın olmadığını bildirir. Üstəlik futbol üzrə ölkə çempionatının 1-ci liqasında çıxış edən "Difai Ağsu" ev oyunlarını məhz sözügedən stadionda keçirir. Buna baxmayaraq, AFFA kimi mötəbər quruma məxsus idman qurğusunda belə çatışmazlığın qeydə alınmasının, ən əsası uzun müddətdi aradan qaldırılmamasının səbəbləri maraq doğurur. 

Qeyd etmək vacibdi ki, stadion 2011-ci ildə istifadəyə verilib. 3 min yerlik arena süni örtüklə təchiz olunub və müasir standartlara cavab verir. Məsələ orasındadı ki, idman qurğusu son vaxtlar artıq çəkidən əziyyət çəkən, həkim məsləhəti ilə yürüş edən, pis vərdişlərdən uzaq qalmaq istəyən şəxslərin sevimli məkanına çevrilib. Xüsusilə yaşlı nəsil və xəstələr axşam saatlarında bura üz tutur. Bir neçə həftədi qaranlığa qərq olan stadionun mühafizəçisi mediaya açıqlamasında hansısa sənəd probleminin olduğunu və bu üzdən işıqların kəsildiyini dilə gətirir. Əlbəttə, səbəb nə olur-olsun, aidiyyatı qurumlar stadionun işıqlarının yanması üçün addım atmalıdı. Görəsən, bu yöndə ümidlənməyə dəyərmi? Ümumiyyətlə, AFFA problemdən xəbərdardı və bununla bağlı hansı tədbiri görmək nəzərdə tutulub? Bu sualları qurumun mətbuat xidmətinin rəhbəri Elnur Məmmədliyə ünvanladıq. O, qəzetimizə açıqlamasında şəhər sakinlərinin narazılığının tezliklə aradan qalxaacağını dedi: