Yaponiyanın şimalında yerləşən Sapporo şəhərinin hakimiyyət orqanları burda 2030-cu ilin Qış Olimpiadasının keçirilməsi ilə bağlı iddia ərizəsini geri götürməyə qərar verib.

"Football-plus.az" xəbər verir ki, “Kyodo”nun məlumatına görə, bu qərar yerli əhalinin təşəbbüsə dəstək verməməsi ilə bağlıdı. “Jiji” agentliyinin keçirdiyi sorğunun nəticəsinə görə, Olimpiya Oyunlarının Sapporoda keçirilməsi ideyasını şəhər əhalisinin yalnız 27 faizi dəstəkləyir, 53 faiz isə hakimiyyət orqanlarının təşəbbüsünün əleyhinə çıxıb. Adı çəkilən qaynaq onu da bildirir ki, əhalinin narazılığı 2021-ci ildə keçirilən Tokio Olimpiadası ətrafında yaranan korrupsiya qalmaqalları ilə bağlıdı.

İddia ərizəsinin geri çağırılması ilə bağlı rəsmi qərar oktyabrın 11-nə qədər qəbul olna bilər. Ancaq şəhər rəhbərliyi 2034-cü ilin Qış Olimpiadasının təşkilatçılığının mümkünlüyünü nəzərdən keçirir. 2030-cu ilin Qış Olimpiadasının paytaxtının Beynəlxalq Olimpiya Komitəsinin iyulun 23-24-də Parisdə keçiriləcək 142-ci sessiyasında elan olunması planlaşdırılır. Yayda bu turnirin təşkilatçılığına Fransa ilə İsveçrənin də iddia etdiyi açıqlanmışdı. 2026-nın Qış Olimpiadasını isə İtaliyanın Milan və Kortina-d'Ampetso şəhərləri qəbul edəcək.