Mauro İkardi hər gün “Qalatasaray” fanatlarının qəlbini fəth etməkdədi. Adətən, bir futbolçu icarə əsasında çıxış etdiyi klubda əla performans sərgiləyirsə, həmin klubla rəsmi müqavilə imzaladıqdan sonra onun göstəriciləri zəifləməyə başlayır. Hər halda, dünya futbolunda dəfələrlə belə halların şahidi olmuşuq. Amma bu tendensiya İkardiyə aid deyil.

Argetninalı forvard bu yay “Qalatasaray”la rəsmi müqavilə imzalayandan sonra da qolları sıralamaqda davam edir. 30 yaşlı hücumçu ən son “Samsunspor”la oyunda (4:2) Hakim Ziyeşin zərbəsi zamanı başı ilə azacıq topun istiqamətini dəyişərək mükəmməl qol vurdu. Bu, İkardinin mövsümdə 8-ci rəsmi oyunda vurduğu 8-ci qol oldu. Ümumilikdə (dünənki oyun nəzərə alınmayıb – red.) İkardi “Qalatasaray” karyerasında 34 rəsmi oyuna 31 qol sığdırıb. Yəni o, orta hesabla hər oyunda 0,91 qol vurur! Bu, klub tarixinin yeni rekordudu. Düzdü, belə göstəricini futbolçu klubdakı çıxışını başa vurandan sonra hesablamaq daha məntiqəuyğundu. Amma bu an üçün İkardi rekordun yeni sahibidi. Əvvəlki rekord Türkiyə futbolunun əfsanəvi forvardlarından olan Tanju Çolaka məxsus idi. 1987-91-ci illərdə “Qalatasaray”ın şərəfini qorumuş Çolak 146 oyunda 132 qol vurub ki, bu da orta hesabla hər oyuna 0,90 qol deməkdi. Xatırladaq ki, Tanju həm də tarixdə “Qızıl buts” qazanmış yeganə türkiyəli futbolçudu. Bu arada “Təqvim” nəşri Çolakla söhbətləşərək onun İkardinin məhsuldarlığına və yeni rekorduna münasibətini öyrənib. 59 yaşlı sabiq ulduz bunları deyib: