“Mövsüm başlamamış komandalar futbolçularını sifariş edirlər. Bunun üçün bizə müəyyən sənədlər göndərməlidilər. Bunlar futbolçunun müqaviləsi, tibbi arayışı və başqa sənədlərdi. İndi bunların hamısını bir-bir sadalamaq istəmirəm. Futbolçunun pasportu da lazım olanlardandı. Bu sənəd oyunçunun statusunu müəyyənləşdirir. Futbolçunun adını və soyadına baxaraq müəyyənləşdirmirik ki, həmin şəxs legionerdi, yoxsa yerli. Təbii ki, qanunvericilik çərçivəsində istənilən əcnəbi müraciət edərək Azərbaycan pasportu alırsa, bizim çempionatlarda yerli kimi çıxış edə bilər. Bizə pasport təqdim olunan gündən bu hüquqa malik ola bilər”.