“Oyunu 68-ci dəqiqədən sonra yayınlamağımız bunu deməyə əsas verir” – “İdman” TV-dən cavab gəldi
“Qarabağ”ın Avropa Liqasının pley-offunda “Olimpiya”nın qonağı olduğu matç ətrafında yaşananlardan xəbərdarsız.
Bildiyiniz kimi, “İdman” TV yalnız 68-ci dəqiqədən oyunu göstərə bildi. Telekanal bütün azarkeşləri qıcıqlandıran hadisənin səbəbini texniki problemlə əlaqələndirmişdi. Kanalın direktoru Rövşən Binnətli mövzuyla bağlı saytımıza müsahibəsində bildirmişdi ki, məsələ araşdırılır. Görəsən, araşdırma başa çatıb? Nəticələr hansısa təxribatdan danışmağa əsas verirmi? Yoxsa həqiqətən təsadüfi texniki problem yaranıb?
Bu suallarla bir daha Rövşən bəyə müraciət etdik. Onun “Football-plus.az”a söylədikləri:
“Xeyr, araşdırma hələ davam edir. Sonda nə qərar veriləcəyini, hansı nəticələrin əldə olunacağını təxmin etmək çətindi. Bu üzdən indidən kimisə ittiham etmək istəmirəm. Aidiyyatı qurumların işini görməsinə də mane ola bilmərik. Səbrlə gözləyirik ki, nə baş veribsə, şəffaf şəkildə ortaya çıxsın. Alnımız açıqdı. Hər halda, oyunu 68-ci dəqiqədən sonra yayınlamağımız bunu deməyə əsas verir. Bizim pis əməlimiz və ya klubla ədavətimiz olsaydı, ümumiyyətlə, yayınlamazdıq”.
KƏNAN BAHADIR
Digər xəbərlər
