Vircil van Diykin aqibəti məlum olub. Onun cəzası ağırlaşıb.

"Football-plus.az" xəbər verir ki, niderlandlı futbolçu “Liverpul”un növbəti oyununu da buraxacaq. İngiltərə Futbol Assosiasiyasının (İFA) müvafiq komitəsi müdafiəçiyə əlavə cəza kəsməyi lazım bilib. Buna Vircilin “Nyukasl” ilə səfər matçında meydandan qovulandan sonra hakimi təhqir etməsi səbəb olub. Premyer-liqanın “Aston Villa” ilə oyununu buraxan müdafiəçi “Vulverhempton”a qarşı növbəti matçda da iştirak edə bilməyəcək. İFA ona 100 min funt sterlinq cərimə də kəsib.