Kasper Şmeyhelin işsiz günləri sona çatıb. O, nəhayət, özünə yeni klub tapıb.

"Football-plus.az" xəbər verir ki, təcrübəli futbolçu karyerasını Belçikada davam etdirəcək. Danimarkalı qapıçının “Anderlext” ilə anlaşdığını “Foot Mercato” xəbər verib. 36 yaşlı futbolçunun sonuncu klubu “Nitsa” olub. Kasperin Fransa klubu ilə müqaviləsi iyunun 30-da qüvvədən düşmüş və o, azad agent statusu qazanmışdı.

“Borussiya”nı tərk edən Torqan Azar karyerasını vətənində davam etdirəcək. Belçikalı yarımmüdafiəçi də “Anderlext”ə keçib. O, Brüssel klubu ilə üçillik müqavilə bağlayıb. Keçidin onun yeni klubuna 4 milyon avroya başa gəldiyi xəbər verilib. 30 yaşlı Torqan “Borussiya”da 2019-cu ildən çıxış edirdi. Dortmund klubu onu ötən mövsümün ikinci yarısı üçün PSV-yə icarəyə vermişdi. Azar bu komandanın heyətində Niderland çempionatında keçirdiyi 9 oyunda 1 qol vurub.