Ən son Aleks Oksleyd-Çemberleyn və Milot Raşitsa transferleri ilə diqqət çəkən ''Beşiktaş'' heyətini daha bir oyunçu ilə gücləndirib.

"Football-plus.az" xəbər verir ki, hələ ötən həftəiçi Türkiyəyə gələn və tibbi müayinədən keçirilən Bəxtiyar Zaynutdinov ilə dördillik müqavilə imzalanıb.

İstanbul nəhəngi 25 yaşlı futbolçunun əvvəlki klubu ÇSKA-ya 4,5 milyon avro təzminat ödəyəcək. Qeyd edək ki, Qazaxıstan yığmasının üzvü olan Zaynutdinov universallığı ilə seçilir. O, yarımmüdafiənin istənilən mövqeyində, həm hucumameyilli, həm də müdafiəyəmeyilli oynamağı bacarır

''Taraz''ın yetirməsi olan və daha sonra ''Astana''da diqqətləri üzərinə çəkən futbolçu 2019-dan Rusiyada çıxış edirdi. Bir il ''Rostov''un şərəfini qoruduqdan sonra 2020-dən bu yana ÇSKA-nın uğurları üçün tər tökürdü. Karyerası ərzində 173 oyunda 23 qol, 15 məhsuldar ötürməlik göstəriciləri var. 2018-dən bu yana şərəfini qoruduğu Qazaxıstan yığmasında isə 30 oyuna 12 qol vurub.

Bu 12 qoldan birini 2018-ci ildəki yoldaşlıq oyununda yığmamızın qapısına vurub. Ş. Zaynutdinov həm də Türkiyə Futbol Federasiyasının yeni qərarına əsasən superliqada yerli statusunda oynaya biləcək.

ƏLİ