Porye trilogiya istəyir
Yüngül çəkidə UFC reytinqinin üçüncüsü Dastin Porye (29-8) elə həmin çəkidə reytinqin ikincisi Castin Qeyci (25-4) ilə üçüncü döyüşü doğma Luiziana ştatında keçirmək istəyir:
“İlk döyüşü onun anadan olduğu yerdə keçirmişik. Trilogiyanı Luizianada bitirək”.
Xatırladaq ki, adı çəkilən döyüşçülər indiyə qədər iki dəfə üz-üzə gəlib. 2018-ci ildə Qeycinin doğma ştatı Arizonada keçirilən ilk döyüşün 4-cü raundunda Porye texniki nokautla qalib gəlib. Ötən ayın 29-da ABŞ-ın Solt-Leyk-Siti şəhərində keçirilən 2-ci döyüşdə isə Qeyci 2-ci raunnda Poryeni nokauta salıb.
Porye başqa bir mövzuda da maraqlı açıqlama verib. Onun fikrincə, UFC-nin iki çəki dərəcəsində sabiq çempionu Konor Makqreqor altıaylıq dopinq-test yoxlamasından keçməlidi:
“USADA-nın işi xoşuma gəlir, idmanımızın təmizliyi yönündə yaxşı işlər görür. Ancaq bu qurum altıaylıq dövrü ləğv etsə və Konora dopinq-testdən keçmədən döyüşməyə icazə versə, özünü gülüş obyektinə çevirəcək. Bu məsələdə boz zonalar olmamalıdı. USADA-da hər şey ağ və qaradı: testdən keçirsən və döyüşdə iştirak edə bilərsən. Testdən keçmədinsə, belə imkanın olmamalıdı. Baxaq görək bundan sonra necə olur. Mən UFC-ni və ya USADA-nı ittiham etmirəm. Onlar rəsmi qərar verənə qədər kimisə ittiham etmək, hansısa kampaniya haqda danışmaq istəmirəm. Konorun dopinq-tesdən keçməsi ilə bağlı nə etməyə hazırlaşdıqlarını bilmirəm. Ancaq ona dopinq-tesdən keçmədən döyüşməyə icazə versələr, gülməli olacaq”.
Xatırladaq ki, Makqreqorla Maykl Çendler (23-8) “The Ultimate Fighter 31” şousunda məşqçilik edir. Dekabrda onlar bir-biri ilə döyüşməlidi.
Digər xəbərlər
