"Sabah"  Bakıda həm oyun planında, həm də hesabda rəqibi elə parlaq şəkildə üstələmişdi ki, ölkəmizdə hər kəs bu komandanı az qala Konfrans Liqasının qrupunda görürdü. Amma serblər belə düşüncələrin əleyhinə idi.

Belqraddakı qarşılaşmaya meydan sahibləri fəal başlasa da, ilk hücum “Sabah”dan gəldi. Marqarita müdafiçilərin başını gicəlləndirdikdən sonra Tilli gördü. Amma lüksemburqlunun cəhdi uğursuz oldu. Nuriyevin həmləsi isə müdafiəçilərə tuş gəlib kornerə çıxdı. "Sabah" müdafiədə və meydanın mərkəzində yaxşı təsir bağışladığından nə rəqib kəsərli hücumlar qura bildi, nə də erkən qol oldu.

Rəqib "bayquşlar"ın qapısı qarşısında ilk qol vəziyyətini Natxo ilə yaratsa da, top qapıdan yan keçdi. 30-cu dəqiqədə "Partizan" qol istəyinə çatdı. Severina Meninqi zərbə mövqeyinə çıxardı. İmanov ikincinin zərbəsini dəf etdi, qayıdan topa Saldanya çatdı, qapıçı yenə seyf etsə də, braziliyalı 2-ci cəhddə toru sirkələməyi bacardı. Kristianın cərimə zərbəsini qapıçı tutdu. İliçin uzaq məsafədən zərbəsini də Yusif zərərsizləşdirdi. "Partizan" fasiləyə üstün yollandı.

2-ci yarıda "bayquşlar" mərkəzdə daha çox topa sahib olmaqla rəqibin qapısına yaxınlaşmağa çalışırdı. Amma "Sabah" qol vəziyyəti yarada bilmədiyi halda Natxo cərimə zərbəsindən gözəl qolla hesabı 2:0-a çatdırdı. Bu qolun məsuliyyətini birmənalı şəkildə “canlı sədd”I düzgün qurmayan Yusifin üzərindədi. Letiçin cərimə meydançasına asmasına Volkov ayaq qoysa da, Yovanoviç yerindəydi. Natxonun növbəti zərbəsi qapıdan yan keçdi. İliçin həmləsinə isə Yusif seyvlə qola imkan vermir. Oyuna əlavə olunan dəqiqələrdə Letiçin qapı önünə asmasına Ceyhun yüksəlsə də, baş zərbəsi tirin üstündən keçdi.

Əsas vaxtda qalib müəyyənləşmədiyindən əlavə vaxta ehtiyac duyuldu. “Sabah”ın bu müddətdə qələbə yolunda fədakarlıq etdiyini demək ədalətsizlik olardı. Yalnız Tellurun yaxın məsafədən təhlükəli zərbəsini xatırlaya bilərik ki, onda da qapıçı gözəl seyvlə qola imkan vermədi. Belədə oyunun taleyini penalti seriyası müəyyənləşdirdi. Meydan sahibləri zərbələri daha dəqiq yerinə yetirdi. Yusif seriyada da heç nə ilə yadda qalmadı. Namik isə iki zərbədən heç birini qola çevirə bilmədi. Acınacaqlı məğlubiyyət “Sabah”ın KL-dən uzaqlaşmasına səbəb oldu. Halbuki komanda debüt mövsümündə qrupa düşməyə belə yaxın idi.

Gözdən qaçmadı 
* Oyun başlayan kimi yerli azarkeşlər fişəng partlatmaqla atəşfəşanlıq etməyə başladılar.
* Serb fanatlar klub rəhbərliyini istefaya səsləyən böyük bir plakat açmışdı.
* Natxo əvəzlənən zaman azarkeşlər onu ehtiyat oyunçular skamyasına alqışlarla yola saldı
* Beliç meydandan qovularkən azarkeşlər buna etiraz əlaməti kimi meydana kənar əşyalar atdılar. 

Reaksiya

Aleksandr Yovanoviç: