"Qarabağ"la "Neftçi"nin oyunları elə vaxtda start götürdü ki, hava hələ də istiydi. İsti havada da hakimlər bütün performanslarını ortaya qoya bilmir. Ona görə də Ağdam təmsilçisi ilə HİK-in oyununda Roy Reynsreyberin rəhbərlik etdiyi hakimlər briqadası işinin öhdəsindən gəlməyə çalışdı. Düzdü, bəzi epizodlarda nöqsanları da oldu. 70-75-ci dəqiqələrdə "Qarabağ"ın xeyrinə cərimə zərbəsi vermədi. Amma ümumilikdə referi oyunun ipini buraxmadı, idarəçiliyi normal, köməkçiləriylə əlaqəsi də normal idi. Mən bu oyunun hakim-inspektoru olsaydım, İsraildən olan həmkarıma 8,3 verərdim. "Neftçi" - "Beşiktaş" oyunundan çox danışmağa ehtiyac yoxdu. Türkiyə təmsilçisinin dominantlığı çərçivısində görüş oldu. Belə qarşılaşmalarda da referilər üzərində böyük təzyiq olmur və idarəçilik rahat keçir. "Bank Respublika Arena"dakı "Sabah" - "Partizan" oyununda gürcüstanlı hakimlər daha yaxşı idarəçilik etdi. Rəqibin taktiki folları zamanı fitini tez-tez səsləndirirdi. "Sabah"ın xeyrinə haqlı penalti verdi. Oyunda rəqib nə qədər aqressiv oynasa da, "bayquşlar" maksimum təmkinli oynadı. Təbii ki, burda hakim idarəçiliyinin də rolu var idi. Gürcüstanlə referini qərarları, sarı vərəqələr göstərməsi, köməkçiləriylə əlaqəsi – hamısı normal idi".