"Qarabağ"ı çətin matçın gözlədiyini deməzdim. İlk oyundan sonra buna əmin oldum. "Köhlən atlar" rəqibini asanlıqla sıradan çıxaracaq. Bizimkiləri "Turan Tovuz"la oyunda tam hazır gördüm. İndiki "Qarabağ"ın qələbəsinə 100 faiz inanıram. "Sabah"ın işi qismən çətindi. Düzdü, çoxu "Partizan"ın əvvəlki formasını itirdiyini deyir. Lakin hər ehtimala qarşı diqqətli olmaq lazımdı. Deyərdim ki , hər iki komanda üçün şans eynidi. "Neftçi"nin aqibəti isə püşkün atıldığı gün bəlli oldu. Buna ilk oyunda da şahid olduq. Üstəlik, "ağ-qaralar" Misli premyer-liqasının hər iki turunda sübut etdilər ki, əvvəlki komandadan əsər-əlamət qalmayıb. Təəssüf ki, təmsilçimizi məğlubiyyət gözləyir. Dediklərim yanlış anlaşılmasın. Klublarımızın hər birinin qələbə qazanmasını arzu edirəm, amma reallıq xəyallarımız üçün ümid vermir..."