“Bəzi səhvlərimiz olsa da, ilk mövsüm təcrübə baxımından bizə çox şey qatdı. Strategiyamız yalnız pul hesabına oyunçuları kluba doldurmaqdan və onlara “çıxın oynayın” deməkdən ibarət deyil. Burda yeni bir futbol mədəniyyəti inşa etmək və sabit nəticələr qazanan komanda yaratmaq istədik. İlk dövrəni qeyri-sabit keçirsək də, yeni ildən sonra nəticələrimiz yaxşılaşdı. “Göztəpə”nin inkişafından və ötən mövsümdəki çıxışından razıyam. Yeni mövsümə hazırlığımız gözəl şəkildə davam edir. Oyunçuların məşqdə ürəklə çalışması məni sevindirir. Gələn mövsüm ən azı ötən mövsümdəkindən daha yaxşı çıxış edəcəyik. 1-ci liqada legioner limiti tətbiq olunduğu üçün imkanlarımız o qədər də geniş deyil. Heyətə yalnız müəyyən sayda legioner cəlb etmək fürsətimiz var. Bu yay heç də pis transferlər həyata keçirməmişik. Əminəm ki, fanatlar yeni mövsümdə bu oyunçuların çıxışına lazımi qiyməti verəcək. Bu oyunçuların sayəsində “Göztəpə” gələcəkdə bir qədər də böyüyəcək. Bu klub və bu şəhər ilə bağlı hər şeyi sevirəm. İzmirə hər dəfə böyük məmnuniyyətlə ayaq basıram. Fanatların marağı, sevgisi məni daha da ümidləndirir. Məhz böyük azarkeş potensialı oyunçuların “Göztəpə”yə gəlmək istəməsinin başlıca səbəblərindən biridi. Təbii ki, heç kim boş tribuna önündə oynamağı sevmir. Fanatlarımıza ötən mövsümdəki dəstəyə və nümayiş etdirdikləri səbrə görə təşəkkür edirəm. Ümid edirəm ki, dəstəklərini davam etdirəcəklər və bizim layihəyə inanmaqda davam edəcəklər. Yeni mövsümdə İzmirdə hər kəsi “Göztəpə”nin ev oyunlarını izləməyə, komandanın böyüməyinə yardım etməyə çağırıram. Böyük həyəcanla yeni mövsümü gözləyirəm və hədəflərimizə çatacağımıza inanıram”.