2023-24 mövsümü üçün transfer çalışmalarını davam etdirən "Sumqayıt" daha bir futbolçunun keçidini reallaşdırıb.

"Football-plus.az" xəbər verir ki, "gənclik şəhəri" təmsilçisi müqavilə ilə Bolqarıstanın "ÇSKA 1948" klubuna məxsus olan braziliyalı yarımmüdafiəçi Oktavio Mantekanı 1 illik icarəyə götürüb.

Qeyd edək ki, "Botafoqo" klubunun yetirməsi olan Oktavio Manteka karyerası ərzində İtaliyanın "Fiorentina", Belçikanın "Berşxot", Bolqarıstanın "Beroe", "Lokomotiv Sofiya" və "ÇSKA 1948" kimi klublarında çıxış edib.