Sabah Şamaxıda vacib görüş nəzərdə tutulub – AÇIQLAMA
Ötən mövsüm sonuncu yeri tutaraq premyer-liqanı tərk edən "Şamaxı"da futbolçularla yanaşı, məşqçilər korpusunda da ayrılıq yaşandı.
Bölgə təmsilçisinin yeni “futbol ili”ndə hansı heyətlə çıxış edəcəyi və harda hazırlıq keçəcəyi maraqlıdı.
Bu suallara cavab tapmaq üçün komandanın baş məşqçisi Vüqar Əsgərli ilə əlaqə saxladıq. Mütəxəssis "Football-plus.az"a bunları dedi:
"Hazırlığı Şamaxıda davam etdiririk. Heyətlə bağlı yenilik yoxdu. İyulun 28-də "Qarabağ-2" ilə yoldaşlıq oyunumuz olacaq. Xaricə səfər isə sabah rəhbərliklə görüşümüzdən sonra dəqiqləşəcək".
O, yeni mövsümdə 1-ci liqada mübarizə aparacaq "Şamaxı"ya yeni dəvət olunan məşqçilər haqda da məlumat verdi:
"Əsas köməkçilərim Ceyhun Rzayevlə Zamir Həsənov olacaq. Qapıçılar üzrə məşqçi Şahin Hüseynov, analitik isə İlqar Novruzovdu".
CAVİD ƏLİYEV
Digər xəbərlər
