Kriştiano Ronaldonun şərəfini qoruduğu ''Əl-Nəssr'' ciddi problemlə üzləşib.

“Football-plus” xəbər verir ki, elə ki, FİFA bu kollektivə transfer cəzası verib. Məsələ burasındadı ki, ''Əl-Nəssr'' Əhməd Musanın transferinə görə bonuslarla birlikdə ''Lester''ə 460 min avro borclu qalsa da, həmin pulu ödəmək istəməyib. Bu keçid hələ 2018-də baş tutmuş və nigeriyalı forvard 2020-də Səudiyyə Ərəbistanını tərk etmişdi. 2021-in oktyabrında FİFA ''Əl-Nəssr''ə pulun ödənilməsi üçün xəbərdarlıq etmişdi. Əks təqdirdə klubun transferlerinə qadağa qoyulacaqdı. Amma 460 min avro ərəblər üçün böyük məbləğ olmasa da, onlar indiyə qədər də pulu ödəməkdən boyun qaçırıblar. Bu üzdən FİFA-nın cəzası qüvvəyə minib. Sanksiya həm ölkə daxili, həm də ölkə xarici transferlərə aid olunacaq. Yəni ''Əl-Nəssr'' bu yay aldığı oyunçular üçün lisenziya çıxara bilməyəcək. Bəzi mənbələr iddia edir ki, qadağa tək bu yaya yox, ardıcıl 3 transfer dönəminə aid ediləcək.

ƏLİ