"Əvvəlcə onu qeyd edim ki, SOCAR-ın sponsorluğu ilə bağlı ətraflı və detallı məlumat yaxın günlərdə veriləcək. Türk Hava Yolları ilə yollarımızı ayırmağı biz də istəmirdik. 7-8 aydı ki, danışıqlarımız davam edirdi. Onlar da bizimlə əməkdaşlıq etmək istəyirdilər. Lakin Türkiyədə baş verən zəlzələ, iqtisadi durum və ən əsası da şirkətin Çempionlar Liqasına sponsorluq etməsi razılığın əldə olunmamasına səbəb oldu.

Əslində sponsorluq departamenti razılıq vermişdi. Sonradan şirkətin idarə heyəti bu durumda əməkdaşlığın bu mövsümlük mümkün olmadığını bildirdi. Məhz bundan sonra biz başqa variant axtarmağa məcbur olduq. Yekunda SOCAR-la anlaşdıq".