Cüdo üzrə 15 yaşa qədər kiçik yaşlı yeniyetmələr arasında Azərbaycan birinciliyinin fərdi yarışlarına yekun vurulub. Yarış Azərbaycan Cüdo Federasiyası və Azərbaycan Respublikası Gənclər və İdman Nazirliyinin birgə təşkilatçılığı ilə keçirilib.

"Football-plus.az" xəbər verir ki, 23-25 may tarixlərində Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində keçirilən yarışda qızlar və oğlanlar arasında 20 çəki dərəcəsində qaliblər müəyyənləşib. 100 klub, cəmiyyət və idman təşkilatından olan 642 cüdoçu medallar uğrunda mübarizə aparıb.

Yarışın üçüncü günündə qızlar arasında -36 kq., -48 kq., -63 kq. və +63 kq. çəki dərəcələrində, oğlanlar arasında isə -42 kq., -55 kq., -73 kq. və +73 kq. çəki dərəcələrinə mükafatçılar bəlli olub.

Fərdi yarışların son nəticəsinə görə, ümumi komanda hesabında medalların sayına görə 1-ci yerə Bakı şəhəri 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi, 2-ci yerə Şuşa rayon Uşaq-Gənclər İdman Məktəbi, 3-cü yerə isə Gəncə şəhəri 1 nömrəli Uşaq-Gənclər İdman-Şahmat Məktəbi layiq görülüb. 35 komanda müxtəlif əyarlı medal qazanıb.

Qeyd edək ki, birinciliyin komanda yarışları isə 26 mayda baş tutacaq.

Fərdi yarışların sonuncu gününün qaliblərinin siyahısını təqdim edirik:

Oğlanlar
-42 kq.
1. Allahverdi Rzayev
2. Kazım Əzizli
3. Fərid Xuduyev
3. Rza Xəlili
-55 kq.
1. Ruslan Əsgərov
2. Yaqub Məmmədov
3. Xəyal Sərkərov
3. Sənan Priyev
-73 kq.
1. Amin Mehdiyev
2. Nürəddin Əliyev
2. İmaməli Muradov
3. Tamerlan Əliyev
+73 kq.
1. İlkin Vəliyev
2. İskəndər Abbasov
3. Xaliq Verdiyev
3. Səid Bəşirli
Qızlar
-36 kq.
1. Zəhra Mövlanverdiyeva
2. Fatima Məlikova
3. Nərgiz Məmmədova
3. Leyla Yaraxmedova
-48 kq.
1. Leyla Ələkbərova
2. Xədicə Paşayeva
3. Esmira Bayramova
3. Lalə Yadigarlı
-63 kq.
1. Fidan Cəlilli
2. Rəna Əhmədova
3. Nəzrin Əzizova
3. Qəndəb Abbasova
+63 kq.
1. Arzu Rəşidova
2. Zenfira Əliyeva
3. Aysu Quliyeva
3. Dəniz Həbibli