Misli premyer-liqasında çempionluq mübarizəsini davam etdirən "Qarabağ" indidən qarşıdakı mövsümün hazırlığına başlayıb.

"Football-plus.az" xəbər verir ki, Ağdam təmsilçisi növbəti "futbol ili"ndə güclü heyət formalaşdırmaq istəyir. "Köhlən atlar" indidən bir neçə futbolçunu gözaltı edib. Bunlardan biri də "Tondela"da çıxış edən Rafael Barbozadı. 27 yaşlı vinger həm sol, həm sağ cinahda, həm də hücumun mərkəzində oynaya bilir.
Portuqaliyalı bu mövsüm 35 matça çıxıb. Bu görüşlərdə 5 qol vurub, 2 məhsuldar ötürmə edib. Karyerasına "Amarante Formaçao"da başlayan Barboza "Boavişta", "Sportinq", "Uniao Madeyra", "Portimonense", "Pasuş de Ferreyra", "Eştoril" klublarında çıxış edib.

İLKİN SULTANLI