Qriliş ən pis geyinən futbolçunu açıqladı

İngiltərə yığması və ''Mançester Siti''nin vingeri Cek Qriliş ''Deyli Meyl'' nəşrinə verdiyi müsahibədə maraqlı etirafları ilə diqqət çəkib.

O, belə desək, komandanın ənlərini açıqlayıb. 2021-in avqustunda 117 milyon avroya ''Aston Villa''dan transfer edilən 27 yaşlı futbolçu bu mövsüm ''Siti''nin heyətində 27 rəsmi oyunda 5 qol, 7 məhsuldar ötürməlik performans sərgiləyib.

- Məşqdə ən çox çalışan futbolçu?
- Fil Foden.

- Məşqdə ən az çalışan futbolçu?
- Kevin De Bruyne. Amma bu, qəribə şəkildə onun performansına təsir göstərmir. Nə qədər güclü oyun sərgilədiyini hər birimiz görürük.

- Ən yaxşı geyinən futbolçu?
- Kayl Uoker.

- Ən pis geyinən futbolçu?
- Rodri. Onun geyim tərzi sadəcə faciədi.

- Ən yaxşı rəqs edən futbolçu.
- Con Stouns.

- Ən pis rəqs edən futbolçu?
- Mən.

- Duşda ən uzun müddət qalan futbolçu.
- Erlinq Holann.

- İdman zalında ən uzun müddət qalan futbolçu?
- Ruben Diaş.