"Cütün taleyini ilk oyunda Bakıda həll etmək istəyirdik. Amma alınmadı. İlk matçda məğlub olsaq da, rəqibi yaxşı təhlil etdik. Bundan başqa, "Şirvanovka"nın məşqçisi Kamran Nurəhmədovun "Füzuli"ni Qusarda gözləyirik, onların öhdəsindən rahat gələcəyik" deməsi futbolçularda qıcıq yaratmışdı. Məhz bu amil bizə əlavə stimul verdi. Meydanda yaxşı oyun getdi.

Yetirmələrim meydanın hər qarışı uğrunda mübarizə aparmaqla üstün tərəf idi. Çoxlu fürsət yaxalasaq da, yalnız birini qola çevirə bildik. Amma ümidimizi itirmədik. Çünki diqtə edən tərəf idik. Rəqib sıx müdafiə olunmaqla qarşılaşmanı penalti seriyasına daşısa da, inamımızı, əzmimizi, mübarizliyimizi itirməyərək 1/4 finala vəsiqə qazandıq. Yaxşı oyuna görə rəqibi, qələbə münasibətiylə isə komandamı təbrik edirəm”.