DÇ-2024-ün əsas mərhələsinin qrup oyunlarına yekun vurulub.

"Football-plus.az" xəbər verir ki, son matçlardan sonra elit-raunda birbaşa vəsiqə qazanan 16, həmçinin əsas mərhələnin pley-off oyunlarında iştirak edəcək 8 yığma müəyyənləşib.

Öz qrupunda 9 xalla ikinci olan millimiz elit-raundda iştirak edəcək. Elit-raunda birbaşa yüksələn komandalar bunlardı: AZƏRBAYCAN, Ermənistan, Xorvatiya, Finlandiya, Fransa, Gürcüstan, İtaliya, Qazaxıstan, Polşa, Portuqaliya, Rumıniya, Serbiya, Slovakiya, Sloveniya, İspaniya, Ukrayna. Əsas mərhələnin pley-off mərhələsində isə Belçika, Çexiya, Almaniya, Macarıstan, Litva, Moldova, İsveç və Niderland iştirak edəcək.

Elit-raundun püşkü bu il iyulun 5-də atılacaq. Qrup oyunları isə dekabrın 20-dək yekunlaşacaq. Bu mərhələnin pley-off matçlarının püşkü gələn il yanvarın 25-də, oyunları isə aprelin 8-17-si aralığında keçiriləcək.

Elit-raundda ümumilikdə 20 komanda mübarizə aparacaq. Komandalar 5 qrupa bölünəcək və hər qrupda 4 iştirakçı yer alacaq. Qrup qalibləri final mərhələsinə birbaşa vəsiqə qazanacaq.

4 ən yaxşı qrup ikincisi isə pley-off oyununda üz-üzə gələcək və onlardan ikisi həlledici mərhələdə (Avropa üzrə 7 komanda) iştirak edəcək.

RƏŞAD